Greqia e lashtë, djepi i qytetërimit perëndimor, vijon të ndikojë në mënyrën se si jetojmë, mendojmë dhe organizojmë shoqërinë sot.
Shumë prej objekteve, ide dhe praktika të përditshme që përdorim sot, si demokracia, filozofia, logjika, madje edhe olimpiadat moderne kanë origjinën në Greqinë e lashtë, citon World History Encyclopedia.
Figurat si Aristoteli, Hipokrati, Sokrati dhe Arkimedi lanë gjurmë të thella në shkencë, mjekësi, matematikë dhe etikë.
Ora e ujit – E krijuar nga Ktesibi (285-222 p.e.s.), një shpikës dhe matematikan grek, orën me ujë e vinte në funksion me anë të presionit të uji për të matur kohën. Është interesante se ora përdorej edhe për të matur kohën e fjalimeve të politikanëve në sallat e gjyqit.
Ngrohje qendrore – Grekët dinin gjithçka rreth ngrohjes qendrore, duke e përdorur atë për tempujt dhe pallatet e tyre. Një rrjet i gjerë tubash prej balte nën dysheme qarkullonte ujë të nxehtë, duke e mbajtur zonën të ngrohtë.
Termometër – Grekët dinin për zgjerimin e trupave të ngurtë, lëngjeve dhe gazeve gjatë ngrohjes. Filos së Bizantit i njihet merita për shpikjen e termometrit të parë në botë.
Leva – Arkimedi është një nga matematikanët më të famshëm të të gjitha kohërave. Ai punoi në sistemet e levave dhe rrotullave, duke shpikur makina të thjeshta për të ngritur objekte të rënda.
Vinçi – Grekët e lashtë ishin ekspertë në ndërtim. Ata shpikën vinçat dhe i përdorën për të lëvizur blloqe të mëdha guri për të ndërtuar tempuj dhe monumente. Grekët shpikën gjithashtu çimenton në vitin 100 p.e.s. Ajo bëhej duke shtuar gur gëlqeror në një përzierje argjile, uji dhe rëre.
Fari – Grekët ndërtuan farin e parë në botë në Aleksandri rreth vitit 280 p.e.s. Ishte një nga strukturat më të larta të ndërtuara nga njeriu për shekuj me radhë.
Spiranca – Ndërtuesit grekë të anijeve bënë spiranca prej guri dhe plumbi. Shpikja i ndihmoi marinarët të lidhnin anijet e tyre në vende të largëta, duke e bërë lundrimin nëpër Mesdhe më të besueshëm.
Mjetet kirurgjikale – Mjekët grekë, veçanërisht gjatë kohës së Hipokratit (460-370 p.e.s.), zhvilluan mjete kirurgjikale si bisturi, pincë dhe shpuese kockash. Shumë nga këto shpikje përdoren ende në praktikën moderne mjekë.
