Rritja e popullsisë është parë prej kohësh si një shenjë prosperiteti, por bota po fillon të shohë një trend të ri: rënien.
Sipas të dhënave të Bankës Botërore, 42 vende dhe territore tani po tkurren, me disa që përjetojnë rënie më të shpejta se të tjerat.
Një pjesë e konsiderueshme e vendeve në tkurrje janë në Evropën Lindore, me Kosovën, Moldavinë dhe Maqedoninë e Veriut që shohin rëniet më të mëdha. Një arsye kryesore për këtë trend është emigrimi, akti i largimit nga vendi i dikujt për t’u vendosur në një tjetër.
Edhe Shqipëria është mes 10 vendeve që po përjetojnë tkurrje më të madhe të popullsisë në botë, duke u renditur në vendin e nëntë.
Të dhënat vijnë nga Banka Botërore, duke matur normat vjetore të rritjes së popullsisë të secilit vend për vitin 2024.
Evropa Lindore ka përjetuar norma të larta emigrimi në dekadat e fundit për shkak të hendekut të pagave me Evropën Perëndimore, si dhe integrimit në BE (i cili krijon një rrugë ligjore për lëvizshmërinë e punës).
