Një i ri shqiptar, i arrestuar pesë muaj më parë në një shtëpi bari në Blackpool, është dënuar me burg, por u lirua menjëherë për shkak të kohës që kishte kaluar në paraburgim.
Bëhet fjalë për 22-vjeçarin Indri Lumci, i cili u kap nga policia më 19 prill 2025 në Loftos Avenue. Tre dhoma gjumi të banesës ishin kthyer në një fermë të sofistikuar kanabisi, me ndriçim, ventilatorë dhe ventilim të veçantë për rritjen e bimëve.
Përveç kanabisit me vlerë 4,000 paund, në banesë u gjetën një thikë, një shkop i zi dhe çelësi i një makine Honda të parkuar jashtë.
Lumci u arrestua dhe nuk dha asnjë koment. Ai pranoi fajësinë për prodhim kanabisi, duke thënë se veprimet i bëri si “kopshtar”.
