Në zonën e Nartës, një nga 24 pikat e grumbullimit që Policia e Shtetit përdor për mjetet e sekuestruara dhe të konfiskuara, ka nisur puna për pastrimin dhe sistemimin e territorit. Vetëm në qarkun e Vlorës ndodhen 8 pika të tilla, ndërsa ajo e Nartës është më e madhja.
Ministrja e Punëve të Brendshme, Albana Koçiu, dhe Ministri i Mbrojtjes, Pirro Vëngu, ndodhen në Vlorë, ku po ndjekin nga afër procesin e lirimit të hapësirave publike që prej vitesh janë përdorur si depozita për mjetet e sekuestruara, duke u kthyer në problem mjedisor për zonat përreth.
Ministrja Koçiu tha se këto pika kanë krijuar shpesh problematika për komunitetin, duke u kthyer në zona të pasigurta.
“Që prej fillimit të shtatorit, kemi nisur një fushatë mbarëkombëtare për të pastruar të gjitha këto pika që zënë një sipërfaqen të konsiderueshme në të gjithë vendin, për t’i sistemuar dhe seleksionuar ato mete që kanw vite të depozituara këtu dhe janë jashtë kontrollit. Po bëhet një seleksionimi i tyre për skrap, si prova materiale dhe të gjitha ato automjete që mund të jenë në përdorim që përmes një plani do t’i shpërndahen institucioneve publike për t’u përdorur prej tyre.
Këto pika shpesh herë krijojnë problematika për komunitetin që kthehen në zona të pasigurta dhe ajo që po bëjmë po i shndwrrojmw kwto zona jo vetëm të pastra por t’i përdor edhe pushteti vendor për plane zhvillimi për komunitetin apo përdorimit të tyre për interes publik”, tha Koçiu.
Ndërsa ministri Vëngu nënvizoi rëndësinë e ndërhyrjes në Nartë, si një zonë me potencial turistik.
“Kjo pikë është shumë pranë zonave të banuara dhe një zonw turistike dhe kjo zonë do rehabilitetohet dhe nevoja është emergjente që një pjesë bashkia ta rikuperonte për komunitetin. Do kemi një periudhë disa mujore ku mund të fillojë evadimin progresiv. Do jetë rreth 5 muaj i gjithë procesi i punës së largimit të aseteve”, tha Vëngu.
Ky është një nga hapat e parë të një procesi më të gjerë që synon transformimin e hapësirave të degraduara në zona funksionale dhe të dobishme për komunitetin.
