Dinamo ka fituar Superkupën e Shqipërisë, pasi mundi 3-1 Egnatian në finalen e luajtur në “Air Albania”. Rrogozhinasit e nisën shumë mirë takimin, duke gjetur golin e avantazhit që në minutën e 9-të me anë të Flamur Ruçit, i cili duke përfituar nga një moskuptim mes tyre i mbrojtësve të Dinamos, mposht Aldo Teqja dhe dërgon topin në rrjetë.

“Blutë” reagojnë direkt dhe i afrohen shumë golit të barazimit në minutën e 11-të, por goditja e Karamba Gassama ndalet nga shtylla. Në minutën e 15-të, Dinamo pretendon për penallti, pasi topi i goditur nga Gassama preket me dorë nga Fernando, por për arbitrin kryesor të finales, Enea Jorgji ishte çdo gjë “ok” dhe loja vijoi normalisht.

Në minutat në vijim, të dyja ekipet patën mundësitë e tyre, por pjesa e parë mbyllet 1-0 për Egnatian.

Pjesa e dytë foli e gjitha për Dinamon. “Blutë” përmbysën shifrat për 5 minuta. Fillimisht, Dejvi Bregu duke përfituar nga një top i kthyer mbrpasht gabim nga Eljon Sota, e dërgoi atë në rrjetë.

Advertisement

---

MONEYGRAM

Në minutën e 59-të, Nani shënoi golin e përmbysjes për Dinamon, pasi u tregua i vëmendshëm në zonë, ku dërgoi në rrjetë topin e kthyer mbrapsht nga pritja e Dajsinanit pas goditjes së Bernard Berishës. Pavarësisht zëvendësimeve të kryera nga Edlir Tetova, rrogozhinasit nuk arritën dot të barazonin shifrat. Goli i tretë për “Blutë” që vulosi përfundimisht fitoren erdhi në minutën e fundit shtesë nga Klevi Qefalija.

Vetëm pak orë para aksidentit tragjik me ski, që më 29 dhjetor 2013 i ndryshoi jetën përgjithmonë, legjenda e Formula 1, Michael Schumacher, i kishte dërguar një mesazh prekës bashkëshortes së tij, Corinna. Shtatë herë kampion bote dhe fitues i 91 garave, gjermani konsiderohet një nga pilotët më të mëdhenj në historinë e cirkuitit.

Pas më tepër se dy dekadave karrierë të lavdishme, ai u tërhoq nga Formula 1 në fund të sezonit 2012, pas Çmimit të Madh në Brazil. Vetëm një vit më vonë, gjatë pushimeve familjare në Meribel, në alpet e Francës, Schumacher pësoi një aksident të rëndë teksa po po bënte ski, duke pësuar një dëmtim të rëndë në tru.

Në dokumentarin e Netflix, me titullin “Schumacher”, bashkëshortja e tij, Corinna zbuloi për herë të parë mesazhin që ai i kishte dërguar para ngjarjes: “Pak para se të ndodhte, më tha: Bora nuk është ideale. Mund të fluturojmë për në Dubai dhe të bëjmë hedhje me parashutë”.

Një mesazh që sot shihet si tepër prekës, duke pasur parasysh atë që ndodhi vetëm disa orë më vonë. Corinna theksoi se kurrë nuk e ka fajësuar Zotin për aksidentin, duke e cilësuar ngjarjen si një fatkeqësi të jashtëzakonshme: “Ishte thjesht fat i keq. Fatkeqësia më e madhe që mund t’i ndodhë dikujt në jetë”.

Prej aksidentit, familja Schumacher ka mbrojtur privatësi të plotë rreth gjendjes shëndetësore të ish-pilotit, duke lejuar vetëm një rreth shumë të ngushtë njerëzish ta vizitojnë. Corinna ka qëndruar vazhdimisht pranë bashkëshortit të saj, duke u kujdesur për të me përkushtim.

Advertisement

---

MONEYGRAM

Anthony Joshua është plagosur në një aksident automobilistik në Nigeri, i cili la të vdekur dy persona të tjerë.

Joshua, 36 vjeç, ndodhej në një xhip Lexus kur automjeti u përplas me një kamion të parkuar sot, pak pas orës 11:00, në autostradën Lagos–Ibadan, në zonën Makun, sipas mediave lokale.

Pamje të publikuara në internet tregojnë ish-kampionin e botës në peshat e rënda pa bluzë dhe dukshëm të tronditur, teksa qëndron ulur brenda mjetit të shkatërruar, mes xhamave të thyer.

Më pas ai shihet i ulur në sediljen e përparme të një automjeti emergjence, duke biseduar me zyrtarët. Raportohet se Joshua ka pësuar lëndime të lehta, ndërsa dy persona të tjerë u shpallën të vdekur në vendngjarje.

Promotori i Joshuas, Eddie Hearn, i tha Daily Mail Sport:

Advertisement

---

MONEYGRAM

‘Jam me pushime familjare dhe u zgjova me lajmin për këtë incident. Po përpiqemi të kontaktojmë Anthony-n dhe, ndërkohë, nuk duam të spekulojmë për gjendjen e tij, por fatmirësisht nga pamjet që kam parë duket se është mirë.

Jemi në pritje të më shumë informacionit për atë që ka ndodhur dhe do të përditësojmë në kohën e duhur.’

Sipas informacioneve, Joshua ishte ulur pas shoferit, së bashku me një pasagjer tjetër, kur ndodhi aksidenti.

Advertisement

---

MONEYGRAM

Në Lexus ndodheshin gjithsej katër persona në momentin e përplasjes, ndërsa sigurimi i tij e ndiqte nga pas me një automjet tjetër.