Testi europian për diagnostikimin e koronavirusit 2019nCoV është gati dhe u përgjigjet indikacioneve të Organizatës Botërore të Shëndetësisë (OBSH).
Testi është zhvilluar në Itali, në laboratorin e virologjisë të Universitetit të Padovës, të specializuara në studimin e të ashtuquajturave “viruse të importit” siç janë ato të etheve të Nilit Perëndimor.
“Ne kemi përdorur sekuencat e reja të koronavirusit të depozituara në bazat e të dhënave ndërkombëtare”, tha menaxheri i laboratorit Andrea Crisanti.
“Është një test shumë efikas dhe renditet ndër më të mirët në botë”, theksoi ai.
