Ministri i Punëve të Jashtme i Republikës së Kosovës, Glauk Konjufca, priti të mërkurën ambasadorin e Britanisë së Madhe në Prishtinë, Nicholas Abbott, bëhet e ditur përmes një komunikate për media.
thuhet se në këtë takim, Konjufca dhe ambasadori Abbott biseduan edhe për zhvillimet politike në Kosovë, rajon dhe më gjerë.
Konjufca shprehu gatishmërinë e tij për të vazhduar marrëdhëniet e shkëlqyeshme në mes dy vendeve, Republikës së Kosovës dhe Britanisë së Madhe, edhe pas Brexitit.
Kurse ambasadori britanik Abbott shprehu gatishmërinë e tij dhe të Mbretërisë së Bashkuar për të vazhduar mbështetjen dhe qëndrimin pranë Republikës së Kosovës në të gjitha proceset e rëndësishme të saj.
