Senati amerikan e liroi sot nga dy akuzat Presidentin Donald Trump, “shpërdorim pushteti” dhe “pengim i Kongresit”.
Senati i kontrolluar nga republikanët votoi sot me 52 vota për lirimin e Trumpit nga akuza e parë dhe me 48 vota ishin pro akuzës se kishte bllokuar ndihmën ushtarake për Ukrainën, në këmbim të asaj, që demokratët thonë se ishin hetime të motivuara politikisht.
Votimi për akuzën e dytë “pengim i Kongresit”, përfundoi me rezultatin 53 me 47 në favor të Trumpit.
Votimi i Senatit vie në kohën kur Trumpit i duhej më se shumti ky lirim nga akuzat, pasi në nëntorin e vitit 2020 mbahen zgjedhjet presidenciale në SHBA.
