Në Gjykatën Kushtetuese ka nisur shqyrtimi i ankimit të kryebashkiakut të Tiranës, Erion Veliaj, ndaj shkarkimit të tij nga detyra. Seanca publike do të zhvillohet me relatorë Sonila Bejtjan, dhe po ashtu të pranishëm janë edhe palët përkatëse.Kryebashkiaku Veliaj është i pranishëm në sallë për herë të parë që prej arrestimit të tij më 10 shkurt, dhe po mbrohet nga avokatët Ermal Yzeiraj dhe Alban Dokushi. Përfaqësues të institucioneve të tjera janë gjithashtu të pranishëm, përfshirë përfaqësues të Presidencës, Kryeministrisë dhe avokatin e shtetit, Irma Qosja.Në këtë seancë pritet që të shqyrtohen argumentet e palëve, ndërsa Gjykata Kushtetuese do të vendosë mbi ligjshmërinë e shkarkimit të Veliajt dhe pasojat ligjore të këtij akti.Avokati i Veliajt, Ermal Yzeiraj, paraqiti argumentet për mbrojtjen e klientit të tij. Ai theksoi se neni 115 i Kushtetutës, që trajton shkarkimin e kryetarëve të bashkive, është një garanci e veçantë për organet e zgjedhura vendore dhe se gjykata kushtetuese duhet të shqyrtojë çështjen në themel.“Duke i qëndruar të gjithë parashtrimeve tona, të bëra me shkrim dhe që do ja vendosim në parashtrim gjykatës që në total janë 65 faqe, shkurtimisht të elaboroj disa nga çështjet më kryesore. Në lidhje me legjitimin e kërkuesit jurisprudenca e gjykatëse kushtetuese ka theksuar se neni 115 është garanci e veçantë për organet e zgjedhura vendore. Gjykata kushtuese është shprehur ne jurisprudencën e saj se një gjykim ka për objekt shkarkimin nga detyra të organit të qeverisjes vendore është gjykim ne themel i kërkesës dhe gjykata kushtetuese si organ kontrolli për të çmuar shkeljen heton dhe gjykon në themel çështjen ashtu si do të vepronte çdo gjykatë tjetër e sistemit gjyqësor”, u shpreh avokati Yzeiraj.Ai gjithashtu ka sqaruar se, sipas ligjit, një kryetar bashkie mund të shkarkohet për shkelje të rëndë të kushtetutës ose të ligjeve dhe se ai ka të drejtë të ankimojë këtë vendim në Gjykatën Kushtetuese brenda 15 ditësh.“Bazuar në nenin 115 të kushtetues, kryetari i i bashkisë mund te shkarkohet për shkelje të rënda të kushtetutës ose të ligjeve dhe mund të ankohet ne gjykatën kushtetuese brenda 15 ditëve ankim i ankim i cili pezullon vendimin e Këshillit të Ministrave. Në bazë të këtij parashikimi kushtetues përmes parashikimeve të ligjit, legjislatori ka vlerësuar të specifikojë gërmën C, të nenit 62 të këtij ligji një prej shkaqeve të shkarkimit për shkak të shkeljes së të rëndë të ligjit të kushtetues, kryetari i bashkisë nëse nuk paraqitet në detyrë për një periudhë 3 mujore të pandërprerë mund të shkarkohet”, tha ai.
