Personi në foto është 36-vjeçari Dalan Alliaj, i cili mbeti i vrarë mbrëmjen e djeshme në fshatin Gjorm të Vlorës, pasi u qëllua me 5 plumba nga kushëriri i tij, Bertil Alliaj.
Dalan Alliaj, rezulton administrator i kompanisë Allidagu në Fier, me aktivitet në fushën e prodhimit, përpunimit dhe shpërndarjes së ushqimeve, mbarështimi i kafshëve në fermat agroblegtorale të mëdha, tregti kafshësh të gjalla si dhe servis e tregti automjetesh.
Bertil Alliaj qëlloi për vdekje pranë banesës së tij kushëririn, për motive ende të paqarta. Pas vrasjes, Bertil Alliaj u arratis drejt zonës malore të Gjormit, për tu arrestuar disa orë më vonë. Kanë qenë familjarët e 36-vjeçarit, të cilin e kanë gjetur të vdekur, më pas e kanë dërguar dhe në spital, por pa shenja jete.
Autori është marrë në pyetje përreth 1 orë, por nuk ka pranuar të japë arsyet e konfliktit që çuan deri në vrasje.
‘E vrava për një arsye të fortë që s’mund ta them, pasi i kisha thënë disa herë që duhet të reagonte. Ndoshta në një moment tjetër do të flas për arsyen, por ende nuk jam gati’, mësohet të ketë thënë Bertil Alliaj përpara togave të zeza.
