Një vrimë e madhe e zezë gëlltiti një yll gjigant duke prodhuar një shpërthim kozmik me dritën e 10 trilionë diejve, sipas një studimi të ri.
Stuhia e vrimës së zezë, siç quhet ky fenomen, mendohet të jetë më e madhja dhe e largëta e regjistruar ndonjëherë sepse u pa 10 miliardë vite dritë larg.
“Ky është vërtet një objekt një në një milionë”, tha Matthew Graham, profesori i astronomisë në Institutin e Teknologjisë në Kaliforni.
Graham tha se stuhia e vrimës së zezë është shpjegimi më i mundshëm i bazuar në forcën dhe zgjatjen e shpërthimit, por studimet e mëtejshme do të ndihmojnë në konfirmimin e të dhënave të shkencëtarëve.
Sipas tij, në kulmin e stuhisë, shpërthimi ishte 30 herë më i ndritshëm sesa çdo rast tjetër i mëparshëm.
Një pjesë e fortësisë vjen për shkak të madhësisë së trupave qiellorë. Ylli që endej pranë vrimës së zezë mendohet të jetë të paktën 30 herë më i madh se Dielli. Vrima e zezë dhe disku i saj rrethues, vlerësohet rreth 500 milionë herë më e madhe se Dielli.
Graham shtoi se shpërthimi i fortë vijon prej shtatë vitesh dhe me gjasë vijon ende.
Me kohën, stuhia do të zbehet, por do të mund të shihet për disa vite me teleskopët tanë.
