Ambasadori amerikan në Gjermani, Richard Grenell sërish i është kundërpërgjigjur kreut të PDK-së, Kadri Veseli përmes një postimi në Twitter.
Gjatë ditës së sotme Grenell reagoi ndaj deklaratave të kreut të PDK-së, Kadri Veseli, i cili kërkoi nga kryeministri Albin Kurti të mos e largojë taksën, duke i thënë se Amerika ka kërkuar një gjë të tillë dhe se Kurti ka të drejtë në këtë çështje.
Ndaj kësaj deklarate kishte reaguar Veseli, duke thënë se Albin Kurti është gënjeshtar. Lideri i PDK-së ka thënë se plani i tij për çështjen e taksës është i qartë qysh nga janari i vitit 2019.
Ndërsa Grenell ka reaguar sërish, duke i thënë Veselit se është i gatshëm t’ia sqarojë atij përse duhet hequr taksa menjëherë.
“Jam i lumtur të flas me ju kurdo për t’ua sqaruar se përse SHBA-ja mendon se ju duhet të mbështesni heqjen e tarifave 100 për qind menjëherë”, ka shkruar Grenell në Twitter.