Një valë e fortë të ftohti ka goditur Shtetet e Bashkuara, duke sjellë temperatura afër niveleve më të ulëta rekord.
Më shumë se 170 milionë amerikanë, nga Bostoni deri në Florida, po përjetojnë dimrin më të hershëm të viteve të fundit, ndërsa ajri i akullt që vjen nga Kanadaja ka përfshirë të gjithë vendin nga veriu në jug.Sipas Qendrës së Parashikimit të Motit FOX Weather, rënia e ndjeshme e temperaturave ka nisur që të dielën dhe do të zgjasë deri në mesin e javës së ardhshme, duke përfshirë pothuajse të gjitha shtetet kontinentale të Amerikës.
Meteorologët paralajmërojnë se rajonet juglindore të SHBA-së mund të përjetojnë temperatura rekordisht të ulëta, pasi vala e të ftohtit përhapet me shpejtësi në drejtim të jugut.
Në Tallahassee, Florida, termometrat pritet të zbresin nën zero gradë deri të martën në mëngjes – madje më herët se në Nju Jork. Nëse kjo ndodh, do të jetë vala e parë e ngricave që godet shtetin juglindor këtë vit.
Ekspertët e motit thonë se ndryshimi i menjëhershëm vjen për shkak të një çrregullimi atmosferik të fortë që po zbret nga Kanadaja dhe po shkakton rënie drastike temperaturash në të gjithë Amerikën Veriore dhe Qendrore.
Në Dakotën e Veriut, Dakotën e Jugut, Nebraska, Iowa dhe Minesota, banorët u zgjuan të dielën me temperatura njëshifrore dhe erëra të ftohta që ulën ndjeshëm ndjesinë termike.
Fenomeni shoqërohet edhe me reshje të dendura dëbore, me trashësi që në disa zona mund të kalojë 30 centimetra – një nga episodet e para të forta të motit të keq dimëror këtë sezon.
Duke filluar nga e hëna, vala e të ftohtit do të lëvizë drejt lindjes, duke përfshirë zonat e Malit Appalachian. Qytetet si Minneapolis, St. Louis, Detroit dhe Pittsburgh do të regjistrojnë temperatura rreth -5°C, ndërsa në Atlanta, Dallas dhe Nashville termometrat do të afrohen me 0°C. Erërat e forta, me shpejtësi deri në 50 km/orë, do të shtojnë ndjesinë e të ftohtit ekstrem.Edhe Florida
Qendrore nuk do t’i shpëtojë ngricës. Në Tampa dhe Orlando, temperaturat që të dielën ishin rreth 29°C, pritet të bien në vetëm 4°C deri të martën në mëngjes – një fenomen tepër i rrallë për këtë shtet tropikal.
Meteorologët paralajmërojnë se gjatë natës temperaturat do të mbeten shumë nën normalen në të gjithë jugun amerikan, me ngrica të përhapura në qytete si Jacksonville, Huntsville, Savannah dhe Meridian.
