UK
Kurseu 300 mijë stërlina dhe nuk pagoi qira për 10 vite, të gjitha këto çifti i arriti duke udhëtuar nëpër botë
Një grua ka zbuluar se si arriti të kursejë mijëra dollarë dhe të jetojë për më shumë se një dekadë pa paguar qira – si pjesë e planit të saj për t’u pensionuar në moshën 45 vjeç.
Bianca Rappaport, 34 vjeçe, tregon se puna si kujdestare shtëpie në vende të ndryshme të botës i ka mundësuar asaj dhe bashkëshortit të saj, Paolo, 45 vjeç, të udhëtojnë lirshëm dhe të sigurojnë pavarësinë financiare.
Gjatë dhjetë viteve të fundit, çifti ka vizituar mbi 20 shtete në pesë kontinente, duke u kujdesur për më shumë se 50 kafshë shtëpiake dhe duke kursyer rreth 300,000 funte.
Ky stil jete nomad u ka mundësuar të shmangin shpenzimet e larta të qirasë dhe faturave, pasi zakonisht qëndrojnë në një vend për të paktën dy muaj dhe planifikojnë destinacionet e ardhshme tre deri në nëntë muaj përpara.
Bianca, me origjinë nga Nju Jorku, thotë se shumë njerëz nuk e kuptojnë se “nuk duhet të presësh deri në pension për të qenë i lirë – mund ta ndërtosh jetën tënde rreth lirisë që tani”.
“Kam qëndruar në kaq shumë vende të pazakonta. Njëherë banuam në një ish-vreshtari të shekullit të 18-të, me dhoma të gdhendura në shkëmb vullkanik. Një herë tjetër u kujdesa për një mace në Bangkok – dhe më vonë për të njëjtën mace, kur pronarja e saj u transferua në Romë,” rrëfen ajo me humor.
Në fillimet e saj, Bianca ishte e përqendruar te kursimi dhe kontrolli i çdo shpenzimi. Sot, ajo thotë se ka fituar “hapësirë frymëmarrjeje” dhe përpiqet të jetë më e vetëdijshme për ndikimin që ka në komunitetet lokale, duke e parë kujdestarinë e shtëpive edhe si një formë kontributi social.
“Duke përfshirë sigurimin shëndetësor, fluturimet, transportin dhe ushqimin, shpenzuam rreth 10,000 dollarë në gjashtë muajt e parë të vitit 2025 – pa iu privuar vetes asgjë,” thotë ajo.
Çifti nisi këtë mënyrë jetese në qershor 2016, pasi më parë kishte eksperimentuar me “surfimin në divan” (couchsurfing), por ndjeu se kjo i kufizonte shumë.
Bianca kujton se frymëzimi i parë i erdhi në vitin 2010, kur punonte në Brooklyn dhe lexoi një libër për “10 mënyra për të udhëtuar falas nëpër botë”. Që prej asaj kohe, ideja për të jetuar ndryshe i ngeli në mendje.
Ata përdorën platformën Trusted House Sitters, por më vonë zbuluan edhe shumë të tjera të ngjashme, që i ndihmojnë të gjejnë kujdestari shtëpish në zona të ndryshme të botës.
Gjatë viteve, Bianca dhe Paolo kanë përjetuar vende dhe kultura nga Meksika në Malajzi, duke u kujdesur për kafshë të çdo lloji – nga qentë e macet, te peshqit, pulat dhe madje edhe gjelat e detit. Në disa raste, Bianca është rikthyer për të vizituar kafshët për të cilat ishte kujdesur më parë.
Ajo udhëton vetëm me një çantë shpine 40 litra, ku mban gjithçka që zotëron. Megjithëse nuk ka një shtëpi të përhershme, Bianca është bërë një sipërmarrëse e suksesshme.
E kuptoi shpejt se mund të përfitonte më shumë nga kjo mënyrë jetese falas duke u bërë një nomade digjitale – një punëtore në distancë që udhëton. Në vitin 2024 ajo themeloi kompaninë Wanderwell Club, e cila ndihmon njerëzit të “udhëtojnë në mënyrë të qëndrueshme drejt lirisë financiare, duke bërë mirë gjatë rrugës”.
“Ndjej sikur kam zbuluar trukun përfundimtar të jetës. Nuk paguaj qira dhe po punoj që të dal në pension në moshën 45 vjeç. Nëse do të kisha qëndruar në Brooklyn, do të më duheshin edhe 20 vjet më shumë për ta arritur këtë,” thotë ajo.
Përveç përfitimeve personale, Bianca beson se kujdestaria e shtëpive ndihmon edhe në ngadalësimin e mbi-turizmit, duke promovuar një ekonomi ndarëse më të qëndrueshme.
Falë kësaj mënyre jetese, ajo ka përfituar nga komoditetet e pronarëve të shtëpive – palestra, makina, pishina – ndërkohë që ndërton biznesin e saj pa paguar faturat.
“Kjo të ndihmon të ngadalësosh udhëtimet dhe të njohësh një vend nga perspektiva e një vendasi. Nuk do ta ndryshoja kurrë mënyrën se si jetoj dhe jam mirënjohëse për besimin që njerëzit më kanë dhënë,” përfundon ajo.
UK
Vizitorët, tarifë për të hyrë në Britani – Shtetasit që udhëtojnë pa viza duhet të aplikojnë për autorizim
Nëse po udhëtoni në Mbretërinë e Bashkuar, duke nisur nga kjo javë, do t’ju duhet të aplikoni në internet për një autorizim udhëtimi përpara se të niseni.
Duke filluar nga e mërkura, Mbretëria e Bashkuar do t’u kërkojë qytetarëve amerikanë, kanadezë dhe shtetasve nga më shumë vende të tjera që të kenë një autorizim elektronik udhëtimi, ose ETA.
ETA është një paraautorizim për udhëtarët nga vendet ku Mbretëria e Bashkuar nuk kërkon viza. Britania filloi programin në vitin 2024 për vizitorët nga Bahreini, Kuvajti, Omani, Katari, Arabia Saudite dhe Emiratet e Bashkuara Arabe. Ndërsa tani, ai hyn në fuqi për shumë vende të tjera.
Shtetet e Bashkuara kanë kërkesa të ngjashme për shtetasit nga vendet e Bashkimit Evropian, Britania e Madhe dhe vende të tjera, që nuk u kërkohet të kenë vizë për të hyrë. Më vonë në vitin 2025, vendet e BE-së do t’u kërkojnë shtetasve amerikanë dhe atyre nga vende të tjera kritere të tilla.
Qytetarët nuk kanë nevojë për një ETA nëse kanë vizë dhe janë të autorizuar të jetojnë, punojnë ose studiojnë në Mbretërinë e Bashkuar.
Aplikimi bëhet në internet duke përdorur aplikacionin ETA të Mbretërisë së Bashkuar për Android dhe iPhone dhe kushton 10 paund. Autorizimi vlen për dy vjet dhe për vizita deri në gjashtë muaj. Tarifa paguhet me kartë krediti.
Udhëtarët do të duhet të ngarkojnë fotografi të pasaportës së tyre dhe të tyre për të aplikuar. Gjithashtu, atyre do t’u duhet autorizimi edhe nëse bëjnë udhëtim në një vend tjetër, por me ndalesë në një aeroport në Mbretërinë e Bashkuar.
Qytetarë që kishin planifikuar të udhëtonin sot nga Londra drejt Tiranës me kompaninë ajrore “Wizz Air” kanë denoncuar sërish mungesë serioziteti dhe kompetence nga ana e kësaj kompanie.
Sipas denoncuesve, pas imbarkimit dhe hyrjes në avion, ata janë detyruar të zbresin sërish me arsyetimin se në kontenier ishte ndezur një sinjal paralajmërues.
Pas zbritjes, udhëtarët janë përballur me orë të tëra pritjeje pa asnjë informacion të qartë, ndërsa i vetmi shpjegim i dhënë nga kompania ka qenë se ekziston një problem teknik.
Qytetarët kërkojnë reagim të menjëhershëm dhe nisjen sa më shpejt drejt destinacionit të tyre, ku i presin familjarët për t’u bashkuar me festat. Ata theksojnë se kjo nuk është hera e parë që hasin probleme me këtë kompani ajrore.
“Wizz Air” është shpeshherë objekt ankesash për vonesa të shumta, anulime në momentet e fundit dhe mungesë komunikimi apo përgjigjeje ndaj udhëtarëve.
Pas 58000 kilometrash ecje rreth botës, ish-parashutisti është pothuajse në shtëpi në Hull… 27 vite më vonë.
Ai ishte i burgosur në Panama, i shpëtoi për fije dëbimit nga Rusia dhe u është shmangur bandave të drogës në Amerikën Qendrore.
Por ish-ushtari britanik i njësive parashutiste Karl Bushby i frikësohet faktit se odiseja e tij 27-vjeçare – rrugëtimi në këmbë nga Kili drejt shtëpisë – mund të dështojë pikërisht në Tunelin e La Manshit.
Atij mund t’i duhet të kthehet me not në Britaninë e Madhe nëse dëshiron të përmbushë qëllimin e tij: të udhëtojë nga Amerika e Jugut deri në vendlindjen e tij, Hull, pa përdorur asnjë mjet transporti.
Bushby, tani 56 vjeç, u nis nga Kili në vitin 1998 duke besuar se ekspedita e tij do zgjaste 12 vjet.
Gjeopolitika, lufta dhe problemet me vizat e ngadalësuan progresin e tij, por 58 mijë kilometra më vonë – përfshirë ecjen përgjatë gjithë Amerikës së Veriut – ai tani ndodhet në Hungari dhe pret të kalojë Kanalin e La Manshit në tetor të vitit të ardhshëm.
Megjithatë, Bushby është i shqetësuar se mund t’i hidhet poshtë leja për të ecur përmes tunelit të shërbimit të Eurostar-it. Kjo është mundësia e parapëlqyer që do t’i lejonte atij t’i përmbahej rregullit që i vuri vetes: të mos përdorë asnjë transport të mekanizuar, përfshirë tragetet. Por, nëse do t’i duhet, ai mund ta kalojë me not.
Kjo nuk do ishte hera e parë që ai sfidon ujin. Në gusht të vitit të kaluar, ai notoi më shumë se 270 kilometra në 31 ditë përgjatë Detit Kaspik për të shmangur hyrjen në Iran ose Rusi.
Udhëtimi i tij e ka përballur gjithashtu me bandat në “Darien Gap” në Amerikën e Jugut, ka kaluar Ngushticën e ngrirë të Beringut dhe ka kaluar 18 ditë në burg në Panamá pasi kaloi kufirin nga Kolumbia, i cili ishte mbyllur për shkak të konfliktit.
Rusia ishte veçanërisht e vështirë. Ai për pak u dëbua në vitin 2006 pasi nuk kishte hyrë përmes një pike kufitare të saktë.
Dhe në vitin 2013, ai bëri një shmangie drejt SHBA-së për të protestuar kundër ndalimit të vizës, duke ecur nga bregu perëndimor deri te ambasada ruse në bregun lindor. Vetëm në vitin 2017 ai mundi të rifillonte udhëtimin e tij dhe të kalonte në Mongoli.
Kur të mbërrijë përfundimisht në pragun e shtëpisë së nënës së tij në Hull, Bushby do përballet me një sfidë të re – të vendosë se çfarë do të bëjë më pas.
Ai tha: “Është paksa frikësuese. Si çdokush që ka pasur një karrierë të gjatë, është dita e daljes në pension. Qëllimi i jetës sime për 27 vitet e fundit thjesht do ndalojë vërtet menjëherë.”
“Mendoj se duhet të gjej diçka për t’u marrë. Nuk dua të rri kot. Duhet të rritem dhe të gjej një punë, kjo është e kotë. Por do ta zgjidhim.”
Tuneli i shërbimit shtrihet midis dy linjave hekurudhore të Eurostar-it dhe përdoret për mirëmbajtje dhe evakuimin e pasagjerëve në rast urgjence. Për ta përdorur atë duhet siguruar leje e posaçme.
Çiklisti britanik Chris Froome u bë personi i parë që kaloi me biçikletë përmes tunelit në vitin 2014, ndërsa Lance Dyer, një afrikano-jugor, kaloi përmes tij ilegalisht në vitin 2005 me shapka. Ai u arrestua nga policia franceze.
Bushby tha: “Nuk kemi kontaktuar ende zyrtarisht për të marrë lejen, e kam letrën gati, thjesht duhet të gjej kontaktin e duhur. Marrja e lejes…nuk e di sa e vështirë mund të jetë. Jam optimist, por do ta shohim.”
Ai bëri shaka: “Alternativa e parë do të ishte të merrja pengje. Dhe e fundit, të notoja.”
Presidenti i Kinës mban fjalimin e fundvitit: Në 2026-ën zotohem të bashkohemi me Tajvanin
Vizitorët, tarifë për të hyrë në Britani – Shtetasit që udhëtojnë pa viza duhet të aplikojnë për autorizim
”Kalaja” e pamposhtur, Arsenali pa humbje në ”Emirates” në pjesën e parë të sezonit
Zgjedhjet në Kosovë, minus 52 mijë vota, si shpjegohet rënia e LDK-së?
Ambasada e SHBA në Tiranë u uron shqiptarëve Vitin e Ri: Të forcojmë partneritetin tonë!
“Gjermania po plaket!”, Merz u drejtohet qytetarëve: 2026-a është një pikë kthese për kombin tonë
“Wizz Air” le në mëshirë të fatit pasagjerët e linjës Londër-Tiranë
58000 kilometra në këmbë nga Kili në Britani, historia e pazakontë e ish-ushtarit
Kosova ngre aktakuzë ndaj 21 personave për masakrën e Reçakut
Dy shtetet që e festojnë të parët Vitin e Ri
Grabitje spektakolare në Gjermani, hajdutët vjedhin 30 milionë euro nga një bankë
George dhe Amal Clooney marrin shtetësinë franceze së bashku me fëmijët e tyre
Faqet e para të gazetave në UK
Vonesat e Eurostar hyjnë në ditën e dytë, pasi pasagjerët ngecën në bord gjatë natës.
Brenda “Strofkës së Ujkut “, udhëtim në bunkerin sekret ku Hitleri drejtoi luftën dhe i mbijetoi atentatit
FOTO/ Nëna me dy fëmijët humbën jetën në një zjarr tragjik në Angli
U kap me kokainë me vlerë 230 mijë euro, shqiptari: Mos më dënoni, më lejoni të kthehem në Shqipëri
Shqiptari në Britani shpëton nga deportimi pasi “partnerja nuk i flet shqip”
Rrëzohet aeroplani në Britani, alarm në aeroportin Southend në Londër
Ish-kampioni i botës në boks Anthony Joshua plagoset në një aksident automobilistik në Nigeri, dy persona humbin jetën
Hetimet për atentatin e Rinasit, burime: Autorët pasi dogjën mjetin që përdorën në krim u larguan me ambulancë
Bllokohet hekurudha Angli-BE/ Probleme me energjinë elektrike, pezullohen udhëtimet për mijëra pasagjerë
Ironia e një dosje sekrete në Harvard: Amerikanë mbroni Trashëgiminë Ilire, Shqiptarët pas ’90-s e shkatërruan …
Bashkimi me euron do të kishte mbuluar koston e NHS-së
Këta janë 10 kandidatët më të votuar në Vetëvendosjes
Emigrantët kthehen, por Shqipëria nuk i mban
Mijëra vetë të ekspozuar ndaj fruthit, alarm në një prej aeroporteve më të ngarkuar në botë
“Wizz Air” le në mëshirë të fatit pasagjerët e linjës Londër-Tiranë
Britania marrëveshje me Angolën dhe Namibinë për kthimin e emigrantëve
Fqinji me Shqipërinë sapo shkroi historinë
-
UK2 days agoFOTO/ Nëna me dy fëmijët humbën jetën në një zjarr tragjik në Angli
-
Albania2 days agoU kap me kokainë me vlerë 230 mijë euro, shqiptari: Mos më dënoni, më lejoni të kthehem në Shqipëri
-
Albania4 days ago
Shqiptari në Britani shpëton nga deportimi pasi “partnerja nuk i flet shqip”
-
UK4 days ago
Rrëzohet aeroplani në Britani, alarm në aeroportin Southend në Londër
-
Sports2 days agoIsh-kampioni i botës në boks Anthony Joshua plagoset në një aksident automobilistik në Nigeri, dy persona humbin jetën
-
Albania2 days agoHetimet për atentatin e Rinasit, burime: Autorët pasi dogjën mjetin që përdorën në krim u larguan me ambulancë
-
UK20 hours agoBllokohet hekurudha Angli-BE/ Probleme me energjinë elektrike, pezullohen udhëtimet për mijëra pasagjerë
-
Albania21 hours agoIronia e një dosje sekrete në Harvard: Amerikanë mbroni Trashëgiminë Ilire, Shqiptarët pas ’90-s e shkatërruan …