Ministri i Jashtëm sirian, Asaad al-Shaibani, ngriti flamurin e ri mbi Ambasadën e Sirisë në kryeqytetin e Britanisë, Londër, raporton Anadolu.
Al-Shaibani nisi një vizitë zyrtare në Mbretërinë e Bashkuar të mërkurën, e para e këtij lloji në dekada.
Vizita bëhet në kuadër të përpjekjeve të administratës së re siriane për të përfunduar izolimin ndërkombëtar të vendit nën regjimin e mëparshëm të Bashar al-Asadit.
Kjo udhëtim vjen vetëm dy ditë pas vizitës së presidentit Ahmed al-Sharaa në Shtëpinë e Bardhë, ku ai u takua me presidentin amerikan Donald Trump.
Në mesin e tetorit, Sharaa gjithashtu zhvilloi bisedime me presidentin rus Vladimir Putin në Kremlin.
SHBA-ja dhe Britania hoqën sanksionet ndaj Sharaas më 7 nëntor, një ditë pas një hapi të ngjashëm nga Këshilli i Sigurimit i OKB-së.
