Kim Kardashian dhe nëna e saj, Kris Jenner, janë përfshirë në një tjetër përplasje ligjore me Ray J, pasi ky i fundit ka ngritur një padi të re që lidhet me publikimin e videos së tyre intime në vitin 2006.
Ray J pretendon se Kris Jenner ishte përgjegjëse për shpërndarjen e videos dhe se Kim dhe Kris kishin diskutuar publikimin e saj disa vite pas xhirimeve të vitit 2003.
Avokati i Kardashian dhe Jenner, Alex Spiro, e ka quajtur padinë një “shpërqendrim të dëshpëruar” dhe ka paralajmëruar se Ray J “do ta humbasë edhe këtë çështje të kotë”.
Në dokumentet e dorëzuara në gjykatë, Ray J gjithashtu i akuzon Kim dhe Kris për shpifje, duke pretenduar se ato përhapën historinë se videoja ishte publikuar kundër vullnetit të Kim-it, gjë që sipas tij i ka dëmtuar reputacionin.
Kim dhe Kris i kanë hedhur poshtë të gjitha akuzat dhe muajin e kaluar ngritën një padi për shpifje kundër Ray J, duke argumentuar se ai ka nisur një fushatë akuzash të rreme ndaj familjes së tyre për më shumë se dy dekada.
Në padinë e tyre, ato theksojnë se pretendimet e Ray J për një hetim federal janë “të pavërteta dhe pa prova”.
Së fundmi, Ray J deklaroi në një transmetim live se po punonte me autoritetet federale për të ngritur një çështje RICO kundër Kardashianëve, një deklaratë që familja e quajti “fantazi të rrezikshme”.
Çështja ligjore pritet të zhvillohet në gjykatë dhe tërheq vëmendjen e mediave ndërkombëtare, duke shndërruar sërish këtë histori të njohur në një betejë publike dhe ligjore.
