Kancelari gjerman Friedrich Merz ka deklaruar se është “skeptik”, se një marrëveshje për Ukrainën mund të arrihet deri në afatin e së enjtes të Trump, duke shtuar se “jemi shumë larg kësaj”.
Duke folur në margjinat e G20 në Johanesburg, Merz tha: “Kjo nuk do të thotë se është plotësisht e pamundur të arrihet”.
Ai shtoi se është “skeptik nëse një rezultat i tillë është i mundur duke pasur parasysh dallimet aktuale”.
Ndryshe, Donald Trump i ka dhënë Ukrainës afat deri të enjten – që është Dita e Falënderimeve në SHBA – për të rënë dakord me planin e propozuar prej 28 pikash.
Ai ka thënë se nuk përfaqëson një “ofertë përfundimtare” dhe afatet mund të zgjaten nëse gjërat “po shkojnë mirë”.
Merz thotë se fokusi tani duhet të jetë në hartimin e një dokumenti të pranueshëm për Ukrainën, që më pas mund të përdoret për të negociuar një marrëveshje paqeje me Rusinë.
