Supersfida e kësaj jave mes Arsenal dhe Chelsea në Premier League nuk kishte një fitues dhe 90 minutat përfunduan në barazim 1-1.
“Blutë” ishin më kërkues në fillim, por gjërat ndryshuan kur në minutën e 38 Caicedo u ndëshkua me karton të kuq pas një faulli të rrezikshëm ndaj Merinos, shkruan A2.
Megjithatë, Chelsea nuk u tërhoq dhe një rast të mirë e kishte Joao Pedro, por Raya tregoi mjaft mirë reflekset.
Pas shumë tentativash, ndeshja u zhbllokua në minutën e 48 me Chalobah. Pas kësaj, Arsenal rriti presionin në fushë dhe gjeti golin e barazimit me Mikel Merinon.
Edhe pse “Topçinjtë” provuan deri në fund për të përmbysur rezultatin, nuk morën më shumë se një pikë nga kjo sfidë.
Pas javës së 13, kreun e mban Arsenali me 30 pikë, ndjekur nga Manchester City me 5 pikë më pak, ndërsa Chelsea mban vendin e tretë me 24 pikë.
