Edhe pse viti 2025 ka qenë i shënuar nga konflikte gjeopolitike dhe tensione ndërkombëtare, disa vende vazhdojnë të renditen ndër më të sigurta dhe paqësore në botë. Sipas Indeksit Global të Paqes 2025, numri i konflikteve mes shteteve ka arritur nivelin më të lartë që nga Lufta e Dytë Botërore, por disa vende tregojnë stabilitet dhe politika afatgjata paqësore.
Në krye të listës qëndron Islanda, e cila ka mbajtur vendin e parë që nga viti 2008. Ky vend shënoi një përmirësim prej 2% këtë vit, duke zgjeruar hendekun me vendin e dytë.
Irlanda renditet e dyta, duke spikatur për uljen e militarizmit dhe mungesën e konflikteve të vazhdueshme, ndërsa Zelanda e Re ngjitet në vendin e tretë falë përmirësimeve në siguri dhe reduktimit të incidenteve të dhunshme.
Austria, e katërta, ruan neutralitetin e saj të kushtëzuar nga kushtetuta, duke i mundësuar vendit të përqendrohet tek siguria e brendshme. Singapori është i vetmi vend aziatik në 10 vendet e para, me një siguri të lartë, pavarësisht shpenzimeve të mëdha ushtarake për frymë.
Top 10 vendet më të sigurta në botë për 2025 janë:
- Islanda
- Irlanda
- Zelanda e Re
- Austria
- Zvicër
- Singapor
- Portugali
- Danimarkë
- Slloveni
- Finlandë
Këto vende tregojnë se stabiliteti dhe politika paqësore afatgjata janë thelbësore për sigurinë e qytetarëve, në një botë me konflikte të shumta dhe sfida globale.
