Fjalimin e fundvitit për stafin e saj në Palazo Chigi, kryeministrja e Italisë, Giorgia Meloni e ka shoqëruar me një batutë, që ka bërë xhiron e rrjetit.
“Viti i kaluar ishte i vështirë për të gjithë ne, por mos u shqetësoni, sepse viti tjetër do të jetë edhe më keq”, ishte fjalia e Melonit për ndihmësit e saj në zyrën e Kryeministrit, të cilat i tha me idenë për ti motivuar që të pushojnë mirë gjatë Krishtlindjeve, sepse do t’u duhet të përballen me një vit të ngarkuar me punë.
“Ju dua. Ne jemi një familje, luftojmë gjatë gjithë vitit”, shtoi më tej Meloni për të zbutur peshën e pohimit fillestar.
Në vijim të batutave, shefja e qeverisë në Romë shtoi: “Kështu që ju këshilloj të pushoni mirë këto festa, sepse duhet të vazhdojmë t’i japim përgjigje këtij vendi të jashtëzakonshëm“.
