Më shumë se 75% e popullsisë u prek nga zjarret që filluan në shtator të vitit 2019 në Uellsin e Ri Jugor, e më pas u përhapën në Queensland, Victoria dhe në Australinë e Jugut.
Universiteti Kombëtar i Australisë (ANU), publikoi një raport lidhur me ndikimin e zjarreve që vazhduan përreth 6 muaj dhe u morën nën kontroll vetëm javën e kaluar.
Raporti zbuloi se nga 25 milionë banorë, rreth 3 milionë prej tyre janë prekur në mënyrë të drejtpërdrejtë nga zjarri, ndërsa rreth 15 milionë të tjerë në mënyrë indirekte.
Gjithashtu u regjistruan rreth 11 milionë hektarë të djegur.
Australianët do të jetojnë për vite me radhë nën efektet e zjarreve./ATSH/
