Një moment nga një koncert i Shakirës po bën xhiron e rrjetit pas një videoje virale që po shpërndahet me shpejtësi në mediat sociale dhe portalet ndërkombëtare.
Gjatë një performance të fundit live, këngëtarja kolumbiane u duk e befasuar kur një fans në turmë ngriti në ajër një poster me imazhin e ish-bashkëshortit të saj, Gerard Piqué. Sipas pamjeve që janë bërë virale në TikTok, Instagram dhe X, Shakira ndaloi për një çast dhe shfaqi një reagim të çuditshëm, duke tërhequr vëmendjen e të gjithëve.
Momenti u kap nga kamerat dhe u shpërnda me mijëra herë nga përdoruesit në internet, duke u bërë trend global në platforma të ndryshme. Mediat e huaja shkruajnë se reagimi i yllit botëror nxiti komente të shumta nga fansa, të cilët spekulojnë rreth emocioneve të Shakirës kur pa figurën e ish-partnerit gjatë performancës.
