Trajneri i Liverpoolit, Juergen Klopp nuk ka besuar se skuadra e tij mund të barazojë rekordin e Manchester Cityt për fitore rresht në kampionatin anglez. Liverpooli të hënën mbrëma fitoi ndaj West Hamit (3:2).

Ishte kjo fitorja e 18-të rresht e Liverpoolit, që është pranë titullit të kampionit në Angli.

“Asnjëherë nuk kam menduar se ai rekord do të thyhet apo do të barazohet. Ne e bëmë këtë dhe unë nuk po mund të besoj që ka ndodhur kjo. Kur barazuam rezultatin, tifozëria ka shpërthyer dhe kjo na ka ndihmuar shumë. Nuk mund të jem më falënderues dhe mirënjohës për përkrahjen që po marrim”, ka thënë Klopp pas ndeshjes ndaj West Hamit.

“Ne duhet të vazhdojmë të fitojmë. Duhet të jemi të gatshëm dhe të mendojmë për ndeshjen e ardhshme. Për aq kohë sa djemtë janë të gatshëm të punojnë shumë, unë nuk jam i brengosur”, ka shtuar Klopp.