Vendimi i Izraelit për të miratuar një ligj që e bën dënimin me vdekje me varje dënim standard për palestinezët e dënuar në gjykatat ushtarake për sulme vdekjeprurëse është “shumë shqetësues” për Bashkimin Europian, tha një zëdhënës i Komisionit të martën.
“Ky është një hap i qartë prapa,” shtoi zëdhënësi në një konferencë për shtyp. “Ne i bëjmë thirrje Izraelit të respektojë qëndrimin e tij të mëparshëm parimor, detyrimet e tij sipas së drejtës ndërkombëtare dhe angazhimin e tij ndaj parimeve demokratike,” tha ai.
Ai shtoi se nuk kishte spekulime për të bërë lidhur me hapat që mund të ndërmarrë Komisioni Europian ndaj këtij vendimi të Izraelit.
Të hënën, parlamenti i Izraelit miratoi vendimin për ta bërë dënimin me vdekje me varje dënim standard për palestinezët e dënuar në gjykatat ushtarake për sulme vdekjeprurëse, duke përmbushur një premtim të aleatëve të krahut të djathtë të kryeministrit Benjamin Netanyahu.
