Një avion i kompanisë easyJet, që po kryente fluturimin nga Amsterdami drejt Aeroportit të Mançesterit, ka shpallur emergjencë gjatë fluturimit teksa ndodhej mbi territorin e Anglisë.
Sipas raportimeve, ekuipazhi i avionit dërgoi një sinjal emergjence te kontrolli i trafikut ajror, duke njoftuar për një situatë që kërkonte trajtim prioritar. Deri më tani nuk janë bërë të ditura arsyet e shpalljes së emergjencës.
Avioni vazhdoi fluturimin drejt destinacionit të planifikuar, ndërsa autoritetet dhe kompania ajrore pritet të japin më shumë detaje lidhur me incidentin dhe shkakun që çoi në aktivizimin e alarmit.
Nuk ka raportime për të lënduar dhe hetimet mbi ngjarjen pritet të sqarojnë rrethanat e plota të incidentit.
