Qeveria amerikane do të mbyllë nga 1 korriku për arsye sigurie një segment rrugor prej 14 km përgjatë kufirit të saj që shtrihet midis Montanës dhe Albertës. Mbyllja e këtij segmenti, i njohur zakonisht si Rruga Kufitare, do t’i japë fund më shumë se tetë dekadave të kalimeve informale midis komuniteteve bujqësore në secilën anë të kufirit.
Ky vendim erdhi pas një rritjeje të emigracionit të parregullt dhe kontrabandës së drogës. Edhe pse rruga shtrihet në anën e Montanës të kufirit SHBA-Kanada, ajo mirëmbahet nga Qarku Warner i Albertës, i cili tashmë ka ndarë fonde për të ndërtuar një rrugë zëvendësuese.
Drejtori Administrativ i Qarkut Warner, Shawn Hathaway tha se zyrtarët kanadezë u informuan për herë të parë verën e kaluar për planin e SHBA-së për të mbyllur rrugën.
Rruga, në të cilën kanë akses të lirë si kanadezët ashtu edhe amerikanët që nga vitet 1940, ndodhet brenda SHBA-së. Sipas Prodhuesve dhe Eksportuesve Kanadezë, midis 800 dhe 1,200 kamionë kalojnë çdo ditë kalimin rrugor Coutts-Sweet Grass dhe çdo vit, me vlerë 11.4 miliardë dollarë.
Qeveria e Albertës po shpenzon tani 5.74 milionë dollar për të ndërtuar një rrugë përgjatë saj për kanadezët. Ndërtimi pritet të fillojë në prill.
