Atmosfera në një nga arenat më të mëdha të basketbollit në botë gjatë ndeshjes së Chicago Bulls, mori një kthesë krejt shqiptare.
Ansambli nga komuniteti shqiptar në Illinois, të ftuar nga Chicago Bulls performuan para ndeshjes me Phoenix Suns në United Center.
Tingujt e muzikës tradicionale shqiptare pushtuan sallën, ndërsa valltarë me kostume kombëtare sollën energji dhe krenari në sallë. Publiku amerikan mbeti i mahnitur nga ritmi dhe gjallëria e valleve tona, duke e kthyer këtë moment në një spektakël të rrallë në NBA.
Kjo natë e veçantë, e dedikuar komunitetit shqiptar, tregoi se kultura jonë nuk njeh kufij, nga Shqipëria dhe Kosova, deri në zemër të Chicago.
