Zëvendëspresidenti i SHBA-së, JD Vance, sapo është larguar nga Pakistani, pas diskutimeve të gjata dhe me rreziqe të larta me Iranin, të cilat dështuan të çonin në një marrëveshje paqeje që do t’i jepte fund luftës.
Duke qëndruar pranë të dërguarit të posaçëm të SHBA-së, Steve Witkoff, dhe dhëndrit të Trump dhe këshilltarit të Shtëpisë së Bardhë, Jared Kushner, Vance foli me anëtarët e medias para nisjes së tij.
Ja disa nga fjalitë kryesore nga konferenca për shtyp:
- Ai thotë se pas 21 orësh bisedimesh paqeje në Islamabad, SHBA-të dhe Irani nuk kanë arritur një marrëveshje për t’i dhënë fund luftës.
- “Kemi pasur një numër diskutimesh thelbësore me iranianët, ky është lajmi i mirë . Lajmi i keq është se nuk kemi arritur një marrëveshje dhe mendoj se ky është një lajm i keq për Iranin shumë më tepër sesa për Shtetet e Bashkuara të Amerikës”, thotë Vance.
- “Thjesht nuk mund të arrinim në një situatë ku iranianët do të pranonin kushtet tona “, thotë ai.
- Zëvendëspresidenti gjithashtu shprehu vlerësimin e tij për kryeministrin e Pakistanit, Shehbaz Sharif, dhe Feldmarshal Asim Munir, dhe tha se “cilatdo mangësi” që kishte në negociata, “nuk ishte për shkak të pakistanezëve, të cilët bënë një punë të mrekullueshme”.
- Ishte një konferencë e shkurtër për shtyp me vetëm disa pyetje nga gazetarët.
- Kur u pyet për kapacitetin bërthamor të Iranit, Vance përgjigjet se ndalimi i vendit nga të paturit e armëve bërthamore si tani ashtu edhe në të ardhmen është “qëllimi kryesor” i Presidentit të SHBA-së Donald Trump.
- Ai shton se Trump ishte i përfshirë në bisedime dhe foli me presidentin diku nga “gjysmë duzine” ose “dhjetëra herë” gjatë negociatave.
- “Ne largohemi nga këtu me një propozim shumë të thjeshtë, një metodë për të kuptuar se kjo është oferta jonë përfundimtare dhe më e mirë . Do të shohim nëse iranianët e pranojnë atë”, shton ai përpara se t’i japë fund komenteve të tij.
