Ministrja e Shëndetësisë Orgerta Manastirliu ka deklaruar se i pari rast i i koronavirusit në Shqipëri ka ardhur më 26 shkurt.
Në mbledhjen urgjente të qeverisë, Ministrija tha se i infektuari është një i ri (28 vjeçar), i cili ka infektuar dhe të atin. Ministrja deklaroi në fjalën e saj se është telefonuar më pas 127-ta (numri i urgjencës mbi rastet) dhe prej aty është mësuar se kanë patur shenja klinike. Se kur është kryer telefonata, Ministrja Manastirliu nuk dha detaje.
Manastirliu:
I riu i infektuar me koronavirus ka hyrë më 26 shkurt, ndërsa babai është një rast i lidhur me të. Është kontaktuar 127. Babë e bir kanë pasur shenjë klinike. Pas daljes së rezultateve ekipi ka bërë izolimin e kontakteve të ngushta. Kanë marrë mostrat e kontakteve, dhe kontaktet e tyre të ngushta janë izolouar. Të dy po marrin shërbim në QSUT. Dua të bëj disa thirrje. i bëj thirrje qytetarëve për qetësi. Mjekët dhe infermierët po i përgjigjen situatës. Kam thirrje për personat që kontaktohen nga epiket tona: të bashkëpunojnë për të mirën e tyre dhe të të afërmve. Jini racionalë se mjekët janë në krye të detyrës. Çdo qytetar do të informohet për masat. Përsëris thirrjen për qytetarët që nëse kanë simptoma të ngjashme të marrin në numrin 127. Qytetarët të mos vijnë në spital pa masur shenja apo pa marrë më parë 127. E them edhe njëherë, virusi nuk shpërndahet nëpërmjet ajrit por kontaktit.
