Mësohet se Prato është një ndër qytetet më pak të prekura nga koronavirusi e kjo falë masave të forta që kanë zbatuar, distancës mes njerëzve.
ITALI– Ditën e sotme gazeta prestigjioze italiane “Corriere della Sera’ ka publikuar një foto krahas së cilës thotë se është një foto që mund të futet në histori. Në foto shihen dhjetëra qytetarë italianë që mbajnë radhë për të hyrë në një supermarket.
Ndër të tjera shkruhet se kjo foto është shkrepur në qytetin Prato. “Jemi bërë pak si kinezë,” shkruan gazeta.
Ndërkohë mësohet se Prato është një ndër qytetet më pak të prekura nga koronavirusi e kjo falë masave të forta që kanë zbatuar, distancës mes njerëzve.
Në rang global kanë humbur jetën deri më tani 12,944 persona dhe të infektuar janë rreth 300 mijë të tjerë, por 91,954 persona kanë fituar betejën me koronavirusin. Në Europë, Italia ngelet një nga vendet më të prekura, dhe numri i personave që po humbin jetën rritet ndjeshëm çdo ditë. Deri më tani në Itali kanë humbur jetën 4,825 persona, ndërsa numri i të infektuarve nuk po njeh limit duke arritur shifrën e 42.681 personave.
Burimi: Corriere
