Britania e Madhe ka bërë një akuzë të rëndë ndaj Kinës, të cilën nuk e fajëson për krijimin e virusit por për mungesën e testimit masiv në Mbretërinë e Bashkuar.
Ministri anglez, Michael Gove, ditën e sotme ka deklaruar se fajtorja për përgjigjen e ngadaltë të qeverisë së Britanisë së Madhe dhe mungesën e testimit masiv, është Kina.
Deklarata e Michael Gove: Pavarësisht se rastet e para në Kinë janë kapur para Krishtlindjes, Kina nuk ka qënë e qartë me vendet e tjera për shkallën, natyrën dhe infektivitetin e COVID-19. Duke bërë që shtetet të mos reagojnë në kohë ndaj këtij virusi të rrezikshëm.
Kjo nuk është hera e parë që Kina po akuzohet për fshehje të informacionit, pasi sipas studiuesve nëse shteti kinez do të kishte media të lira, COVID-19 nuk do të ishte sot një pandemi, duke marrë mijëra jetë në të gjithë botën.
Ditën e djeshme qeveria britanike arriti të kryejë 10 000 teste në ditë nga 25 000 të premtuara nga kryeministri Boris Johnson.
Rikujtojmë se Britania e Bashkuar është një ndër shtetet më të prekura nga koronavirusi, ku deri tani janë shënuar 1.019 të vdekur.
Një ndër të prekurit është edhe kryeministri Boris Johnson, i cili gjendet në gjendje të mirë shëndetësore, dhe po drejton qeverinë nga karantina.
