Analisti britanik dhe njohësi i rrjedhave në Ballkan, Tim Judah ka reaguar pas hyrjes në fuqi të vendimit për heqjen e tarifave mbi mallrat me origjinë serbe dhe boshnjake, si dhe zëvendësimin e tyre me reciprocitet.

“Çfarë nënkupton saktësisht reciprociteti? Duket se nënkupton zëvendësimin e barrierave jotarifore, të cilat i përdor Serbia për t’i ndaluar në mënyrë efektive mallrat e Kosovës. Pra, tarifa hiqet, vetëm për t’u zëvendësuar me diçka tjetër që e barazon raportin”, shkruan Judah në Tëitter, transmeton KOHA.

Mesnatën e së mërkures, ka hyrë në fuqi vendimi i Qeverisë në detyrë të Kosovës, për heqjen e tarifës prej 100 për qind në produktet serbe dhe boshnjake dhe zëvendësimi i saj me reciprocitet. Qeveria, si është bërë e ditur, ka vënë masat e reciprocitetit me Serbinë, por jo edhe Bosnjën.

What exactly does reciprocity mean? It seems to mean applying the non-tariff barriers Serbia uses to effectively ban Kosovo goods against Serbia. So the tariff goes, only to be replaced with something else which equalises the relationship. #kosovo #serbiahttps://t.co/y7zhCGlRxw— Tim Judah (@timjudah1) April 1, 2020