Ndërsa numri i të vdekurve nga koronavirusi vazhdon të rritet, spitalet në të gjithë Mbretërinë e Bashkuar po punojnë mirë për të krijuar shtretër të kujdesit intensiv për ata që janë ne gjendje kritike. Duke folur për BBC, një mjeke e departamentit te terapisë intensive e përshkruan realitetin shkatërrues të mungesës së mbështetjes dhe pajisjeve mbrojtese me të cilat përballen disa punonjës të shëndetësisë në Angli.
Disa punonjës të shëndetësisë në Angli i kanë thënë BBC-së për mungesën e pajisjeve në spitalet e tyre. Megjithatë duke qenë të paralajmëruar të mos flasin në media, ata nuk ishin të gatshëm të flisnin publikisht. Sidoqoftë, një mjeke e dpartamentit të terapisë intensive nga Midlands pranoi të fliste. BBC pranoi të ndryshojë emrin e saj për të mbrojtur identitetin e saj.
Dr Roberts thotë që spitali ku ajo punon është në prag kolapsi. Departamenti i terpasië intensive tashmë është i mbushur me pacientë me koronavirus (Covid-19). Të gjitha operacionet që konsiderohen jo urgjente, madje edhe klinikat e kancerit, janë anuluar. Ekziston mungesa e stafit, mungesa e shtretërve të kujdesit kritik, mungesa e antibiotikëve bazë dhe ventilatorëve.
E gjithë kjo, e kombinuar me pasigurinë e asaj që do të jetë kulmi i pritshëm i parashikuar të godasë Mbretërinë e Bashkuar rreth 14-15 Prillit. Kjo do të thotë që stafi i spitalit tashmë po ndjen tendosje.
Sidoqoftë, asgjë që përshkruan Dr. Roberts nuk është aq alarmante sa fakti që këta profesionistë mjekësorë, të cilët vazhdojnë të kujdesen për pacientë me sëmundje kritike për 13 orë çdo ditë, duhet të përdorin modifikimin e pajisjeve mbrojtëse personale (PPE) që janë qeset plastike të cilat zakonisht përdoren për mbetjet klinike, përparëse plastike dhe syze që përdoren për ski.
