Bilanci tragjik vazhdon të thellohet nga virusi vdekjeprurës Covid-19, i cili ka marrë jetën e 73,608 personave dhe ka infektuar plot 1,323,641 persona në mbarë botën.
Franca shënon numrin më të lartë të vdekjeve në 24 orët e fundit në të gjithë botën.
Raportohen 833 viktima në 24 orë duke e çuar totalin e përgjithshëm në 8.911 viktima, shifra këto mjaft të frikshme dhe tragjike.
Numërohen 5,171 raste të reja të konfirmuara me koronavirus vetëm në 24 orët e fundit duke e çuar totalin në 98.010 persona me Covid-19.
Për fat të mirë Franca numëron 17.250 persona të cilët ja kanë “hedhur” koronavirusit dhe tashmë janë të shëruar e të rikthyer në shtëpitë e tyre.
Nga ana tjetër lajm jo i mirë është ai i personave në gjendje kritike për jetën, 7.072 qytetarë ndodhen nën kujdes intensiv.
