Mjeku kardiokirurg Edvin Prifti, përmes një statusi në Facebook ngre dyshime se zjarri në Çernobil i ditëve të fundit mund të mos jetë aksidental. Sipas tij, radioaktiviteti pas djegies së pyjeve në zonë është rritur me 16 herë, ndërsa shpalos edhe argumentet se pse flakët e zjarrit atje mund të jenë në favor të vrasjes së coronavirusit Covid-19.
Statusi
Çfarë rusët dinë dhe ne jo? A mundet që zjarri i pyjeve në Chernobyl i pesë ditëve me parë të jetë rastësor? Radioaktiviteti është rritur 16 herë më shumë pas djegies se këtyre pyjeve. Mos vallë është një mënyrë mbrojtëse e aplikuar nga autoritetet përkatëse? Si ka mundësi që Ukraina, Bjellorusia, Moldavia, Gjeorgjia dhe në përgjithësi e gjithë Evropa lindore përfshirë dhe ne, vende të cilat u preken realisht nga radioaktiviteti i Chernobyl-it janë më pak të prekura nga Sarscov2, dhe vdekshmëria është më e ulët? Që radioaktiviteti inaktivizon viruset kjo dihet tashmë. Mbase vepron edhe tek sarscov2? Mos marrja e masave nga ana e Bjellorusisë ka të bëjë me një vendim prej të marri nga ana e presidentit të atij vendi apo ka një shkak real, pasi radioaktiviteti nga Chernobyl vazhdon të jetë aktiv për dhjetra vjet pas shpërthimit? Mos vallë i njëjti skenar ka ndodhur edhe në Japoni pas shpërthimit të reaktorit në Fukushima? Mbase teoria e radioaktivitetit që e inaktivizon sarscov2 në gjendje të lirë është me probabël se teorite e tjera?! Radioaktiviteti është treguar vdekjeprurës aq edhe shërues dhe shërbyes ndaj njerëzimit. Ky është thjesht një deduksion personal që koha do tregoje nëse është thjesht i tillë apo i vërtetë?!
