Ministria e Shëndetësisë ka njoftuar se gjatë 24 orëve të fundit janë shënuar edhe 41 raste me COVID-19, duke e çuar numrin total në 1300.
29 pacientë tashmë rezultojnë se janë shëruar plotësisht pas dy testeve të njëpasnjëshme. Numri total i të shëruarve është 301.
41 rastet e ditës së fundit janë nga: Shkup (17), Kumanovë (11), Prilep (5), Tetovë (3) ndërsa nga një person janë në Gostivar, Kriva Pallankë, Kërçovë, Kavadarci dhe Negotinë.
Gjatë ditës së fundit nuk është shënuar asnjë viktimë nga COVID-19.
