Kampionati Evropian i atletikës është anuluar të enjten. Këtë e bëri të ditur Federata Evropiane e Atletikës.
Evropiani është dashur të mbahet prej 25 deri më 30 gusht në Paris, por komiteti organizativ lokal dhe federata franceze kanë vendosur të anulojnë atë.
Vendimi është arsyetuar me gjendjen aktuale me koronavirus si dhe me rreziqet potenciale për shikuesit dhe të përfshirët e tjerë.
Ky është dashur të jetë edicioni i 25-të i Evropianit të atletikës.
