Një zyrtar i Qeverisë së Britanisë së Madhe ka konfirmuar se po zhvillohen bisedime me Premier Leaguen dhe se synimi është që futbolli të vazhdojë sa më shpejtë që është e mundur.
Oliver Dowden, sekretar për kulturë, media dhe sport, ka thënë: “Unë personalisht kam qenë në bisedime me Premier Leaguen, me synim për të ngritur futbollin dhe për të vazhduar para sa më shpejtë të jetë e mundur, në mënyrë që të përkrahet i gjithë komuniteti i futbollit. Por natyrisht hapa të tillë duhet të jenë në pajtueshmëri me këshillat e shëndetit publik”, ka thënë ai.
Premier League, që është e pezulluar prej 13 marsit, nuk do të vazhdojë të paktën deri më 30 prill. Masat e bllokimit janë në fuqi në Britani deri më 7 maj, kur qeveria do të rishikojë vendimin.
Tri klubet londineze, Arsenali, West Hami dhe Tottenham Hotspuri, së bashku me Brightonin, tashmë kanë hapur komplekset stërvitore, duke mundësuar kthim të limituar në stërvitje. Klubet po kujdesen për të mbajtur distancën në mes të lojtarëve.
Klubet kanë thënë se lojtarët do të shfrytëzojnë hapësirat e jashtme për punë individuale dhe se nuk do të ketë aktivitete grupore.
e Premier Leagues do të mbajnë një konferencë të premten, derisa ato vazhdojnë të shqyrtojnë opsione të shumta për të përfunduar edicionit. Por, sipas Reuters, vazhdimi i kampionatit nuk pritet para qershorit.
