“Një nga fushat ku ne ndiejmë se kemi qenë më të suksesshëm nga sa njerëzit mund të mendonin është në ruajtjen e tregtisë sonë me Shtetet e Bashkuara,” tha Chrystia Freeland, zëvendës-kryeministrja e Kanadasë, për kohën e kufizimeve ekonomike të COVID-19.
Duke komentuar nevojën e mbylljes së kufirit kanadezo-amerikan për të kufizuar përhapjen e koronavirusit, ajo shtoi: “Ne kemi qenë në gjendje të ulim trafikun në kufi me mbi 90%, por në të njejtën kohë tregtia vazhdon”.
Vërejtjet e Freeland erdhën në 6 maj gjatë takimit virtual të përjavshëm të Forumit të Platformës së Veprimit COVID-19.
E krijuar muajin e kaluar, platforma e Forumit synon të mbledhë drejtues nga qeveritë dhe komuniteti i biznesit për veprim kolektiv për të mbrojtur jetesën e njerëzve, për të lehtësuar vazhdimësinë e biznesit dhe për të mobilizuar mbështetjen për një përgjigje globale ndaj pandemisë COVID-19. Deri më sot, më shumë se 1.500 njerëz nga më shumë se 1.000 biznese dhe organizata i janë bashkuar platformës.
Përveç Freeland, pjesëmarrësit në webinar të kësaj jave përfshinin: Arancha Gonzalez Laya, Ministër i Punëve të Jashtme, Bashkimi Evropian dhe Bashkëpunimi i Spanjës; Rich Lesser, Shefi Ekzekutiv Global, BCG; Reema Nanavaty, Drejtore Ekzekutive, Shoqata e Grave të Vetë-Punësuara (SEWA), Indi; Paul Stoffels, Nënkryetar i Komitetit Ekzekutiv; Zyrtari Kryesor Shkencor, Johnson & Johnson; Magdalena Andersson, Ministre e Financave të Suedisë; dhe Seth F. Berkley, Kryeshef Ekzekutiv, i Gavi, Aleanca e Vaksinave. (World Economic Forum)
