Pothuajse një përrallë, fshati i braktisur i Houtouwan në ishullin Shengshan, pjesë e arkipelagut Shengsi në brigjet lindore të Kinës, është bërë kohët e fundit një sensacion në internet dhe një pikë a pazakontë udhëtimi.
Sipas mediave të huaja, përcjell Telegrafi, Houtouwan dikur ishte një vend i peshkimit, me një popullsi prej më shumë se 3,000 banorë. Sidoqoftë për shkak të vendndodhjes së largët, vendasit filluan të shpërngulen në vitet 90-ta.
Ndërkaq në vitin 2002, fshati ishte shpopulluar zyrtarisht dhe ishte “shkrirë” me një vend aty pranë.
Pas disa viteve, shtëpitë e zbrazëta në fshatin buzë detit, disa prej tyre ende të mobiliuara – u mbuluan me bimë të harlisura.
Vendi mori popullaritet në vitin 2015, kjo pasi një seri fotografish mahnitëse u bënë virale.
Ky vend i mrekullueshëm filloi të “pushtohej” edhe nga turistët ndërkaq zyrtarët treguan kujdes ndaj tyre.
