Hapja graduale e kufijve është propozuar nga ekzekutivi i BE në përpjekjet për të filluar industrinë turistike të goditur rëndë nga pandemia e koronavirusit.
“Mesazhi ynë është që ne do të kemi një sezon turistik këtë verë,” tha komisioneri për çështjet ekonomike Paolo Gentiloni,”edhe nëse është me masa dhe kufizime të sigurisë.”
Kufijtë janë ende mbyllur në të gjithë BE, përfshirë zonën pa kufij të Shengenit. Por shtetet kanë filluar t’i rihapin ato.
Austria dhe Gjermania janë vendet e fundit të BE që pranuan të heqin kufizimet e udhëtimit.
Nga e premtja do të ketë kontrolle të rastësishme në vendkalimet kufitare dhe më pas më 15 qershor do të rifillojë lëvizja e lirë.
“Ne duam ta bëjmë jetën e përditshme të njerëzve më të lehtë dhe të hedhim një hap më shumë drejt normalitetit,” tha kancelari Sebastian Kurz.
Udhëtarët në Mbretërinë e Bashkuar tashmë janë paralajmëruar të mos presin pushime ndërkombëtare, pasi i pret karantina 14-ditore. Por udhëtimi pa karantinë do të jetë i mundur për në Francë dhe Irlandë. (BBC)
