Një turist 23-vjeçar nga New York u arrestua të premten në Hawaii për shkeljen e rregullit të detyrueshëm të karantinës së shtetit.
Ai arriti në O’ahu të hënën dhe postoi disa fotografi të vetvetes në Instagram, tha zyra e guvernatorit të Hawaii-t.
I riu thuhet se ka dalë nga dhoma e tij e hotelit ditën kur arriti dhe udhëtoi në shumë vende me transport publik, kur duhej të ishte në karantinë.
“Autoritetet u bënë të vetëdijshëm për postimet e tij në mediat sociale nga qytetarët që panë postime prej tij – në plazh dhe duke ecur rreth Waikiki natën” – thuhet në deklaratë.
Hawaii kërkon që vizitorët në ishuj të vetë-karantinohen për 14 ditë, pa lënë dhomën e tyre të hotelit ose vendbanimin. (BBC)
