Shtypi izraelit shkroi se në hetimin paraprak të policisë nuk është gjetur ndonjë shenjë e dhunës në trupin e Wei dhe se gjetjet e para janë se ambasadori ka vdekur si pasojë e një sulmi në zemër
Ambasadori i Kinës në Izrael, Du Wei (57) është gjetur i vdekur në rezidencën e tij në Herzilya, transmeton Anadolu Agency (AA).
Ministria e Jashtme e Izraelit ka konfirmuar vdekjen e ambasadorit Du Wei, por nuk ka dhënë detaje lidhur me ngjarjen.
Ndërkohë policia ka nisur një hetim lidhur me vdekjen e ambasadorit kinez.
Shtypi izraelit shkroi se në hetimin paraprak të policisë nuk është gjetur ndonjë shenjë e dhunës në trupin e Wei dhe se gjetjet e para janë se ambasadori ka vdekur si pasojë e një sulmi në zemër.
Du Wei u emërua ambasador në Izrael në muajin shkurt.
