Franca dhe Gjermania propozuan një fond prej 500 miliardë eurosh (545 miliardë dollarë; 448 miliardë pound) si fondi i rimëkëmbjes evropiane për t’u shpërndarë në vendet e BE-së të prekura nga Covid-19.
Në bisedimet e së hënës, presidenti francez Emmanuel Macron dhe kancelarja gjermane Angela Merkel ranë dakord që fondet duhet të sigurohen si grante.
Propozimi paraqet një ndryshim domethënës në pozicionin e Merkelit.
Presidenti francez, Macron tha që ishte një hap i madh përpara dhe ishte “ajo që Eurozona duhet të mbetet e bashkuar”.
“Unë besoj se ky është një transformim shumë i thellë dhe kjo është ajo që Bashkimi Evropian dhe tregu i vetëm duhen për të mbetur koherent,” tha Macron pas diskutimeve përmes video-konferencës.
Kancelarja Merkel, e cila më parë kishte hedhur poshtë idenë e kombeve që të ndajnë borxhin, tha që Komisioni Evropian do të mbledhë para për fondin duke marrë hua nga tregjet, të cilat do të paguhen gradualisht nga buxheti i përgjithshëm i BE-së.
Grantet e dhëna nga fondi i propozuar i rimëkëmbjes gjithashtu duhet të përdoren për të ndihmuar në financimin e investimeve të bllokut në një të ardhme më të gjelbër, thanë të dy udhëheqësit./BBC
