Manchester Unitedi i ka bërë thirrje tifozëve të qëndrojnë larg stadiumit “Old Trafford”, në rast se ndeshjet në Premier League rikthehen pa shikues.
Liga mbetet në bisedime me qeverinë nëse ndeshjet do të luhen në fusha neutrale apo në fusha të klubeve vendase.
Manchester Unitedi ka thënë se do të rimbursojë pronarët e biletave sezonale në rast se ndeshjet luhen pa shikues dhe i ka bërë thirrje tifozëve që të qëndrojnë larg ndeshjeve.
“Ne ndajmë zhgënjimin me ju që nuk do të mund të shikoni Unitedin nga brenda stadiumit, por ne ju inkurajojmë ju që të jepni përkrahjen e juaj të vazhdueshme nga komoditeti dhe siguria në shtëpi. Për të ndihmuar me këtë, Premier League dhe partnerët medial do të punojnë për të ofruar transmetimin më të mirë të mundshëm të ndeshjeve tona. Ne po ashtu kërkojmë për bashkëpunimin e juaj që të mos udhëtoni në stadiume në të cilat luajmë ne. Duke përkrahur klubin nga shtëpia dhe duke ndjekur udhëzime e qeverisë, do të luani rolin për të mbajtur të sigurt shoqërinë, familjen e juaj dhe gjithë tifozët e Unitedit”, është shkruar në emailin që klubi tifozëve.
