Papunësia në tremujorin e parë të këtij viti në Britaninë e Madhe u rrit në 3,9%.
Sipas të dhënave të Zyrës së Statistikave Kombëtare të Britanisë (ONS), papunësia në çerekun e parë të vitit në krahasim me periudhën e njëjtë të vitit të kaluar është rritur me 0,1% duke arritur në 3,9%.
Gjithsej të papunët në vend arritën në 1 milion e 350 mijë me një rritje prej 50 000 personash.
Ekspertët janë të mendimit se papunësia në vend në periudhën e ardhshme do të shënojë një rritje të shpejtë për shkak të pandemisë së koronavirusit të ri (COVID-19) duke arritur në nivelin e 10% të viteve ’90 të shekullit të kaluar.
“Britania ka të ngjarë të përballet me recesion serioz këtë vit”, tha ministri britanik i Financave, Rishi Sunak.
Ekonomia britanike u tkurr 2% gjatë T1 2020.
Banka Qendrore e Britanisë (BOE) më parë kishte theksuar se COVID-19 pritet të shkaktojë një tkurrje prej 25% në ekonominë e vendit në tremujorin e dytë të vitit.
