Ka përfunduar pas 9 orësh takimi i ambasadorëve të SHBA, BE dhe Britanisë me anëtarët e Këshillit Politik.
Në fjalën e tij, ambasadori britanik Duncan Norman tha se palët duhet ta arrijnë konsensusin nesër dhe kjo është thelbësore jo vetë për vendin por dhe për të ardhmen e tij në BE.
“Këshilli Politik u krijua në mënyrë që të përfundojë reformën zgjedhore dhe sot është bërë një përparim i mirë, por mbetet ende punë për të bërë. Është thelbësore që këtë ta përfundojnë nesër, jo vetëm që Shqipëria të vazhdojë rrugëtimin e saj drejt BE por edhe votuesit shqiptarë të kenë zgjedhje më të lira herën e ardhshme. Le të përfundojmë punën”, tha Duncan Norman.
Ndërkohë, ambasadorët e SHBA, BE, Britanisë dhe ODIHR, do të takohen sërish me përfaqësuesit e Këshillit Politik në orën 11:00.
