Futbollisti shqiptar, Arijan Ademi, pritet që pas dhjetë vjetëve të largohet nga Dinamo Zagrebi. Mediumet ruse kanë raportuar të enjten se kapitenin e Dinamos po e kërkojnë tri skuadra nga Moska – CSKA, Spartak e Lokomotiv.
Vlerësohet se Dinamo do të lëshojë 28-vjeçarin për pesë milionë euro. Spartaku planifikon të shpenzojë pak këtë verë, por për CSKA-në dhe Lokomotivin, pesë milionë euro nuk paraqesin problem.
Ademi luan për Maqedoninë e Veriut, ndërsa pritet të jetë prej lojtarëve kryesorë të kësaj përfaqësueseje në ndeshjen e plejofit për Euro 2020 ndaj Kosovës.
