Shkalla e papunësisë në SHBA në muajin maj pësoi rënie në 13,3%, pasi tregu i punës shtoi vende pune, njoftoi Byroja e Statistikave të Punës (BLS).
“Muajin e kaluar u regjistrua një shkallë papunësie prej 14,7%. Numri i të papunëve ra me 2,1 milionë nga muaji i kaluar, në 21 milionë”, informoi BLS.
Një pjesë e madhe e fitimeve të punës u regjistrua te personat që u rikthyen në punë.
Sipas BLS, punësimi u rrit në fusha si ndërtim, arsim, shërbime shëndetësore dhe tregtinë me pakicë.
