27 oficerë policie janë lënduar gjatë protestave anti-racizëm në Londër, zbuloi Met Policia.
Dame Cressida Dick, Komisionerja e Policisë së Metit, tha që sulmet ishin “tronditëse dhe plotësisht të papranueshme”.
Protestat e së shtunës – të nxitura nga vdekja e George Floyd – ishin kryesisht paqësore, por u acaruan më vonë nga trazirat jashtë Rrugës Downing.
Një demonstrues, i cili nuk ishte në Downing Street, pa oficerët “duke vepruar me shumë agresivitet” diku tjetër.
Demonstrime të mëtejshme po zhvillohen në të gjithë Mbretërinë e Bashkuar, përfshirë Bristolin, ku u rrëzua statuja e tregtarit të skllevërve.
Në një deklaratë Dame Cressida, oficerja më e lartë në Mbretërinë e Bashkuar, falënderoi oficerët në protestat e së shtunës në Londër për “durimin dhe profesionalizmin e tyre të lartë”.
Jam shumë e trishtuar dhe e dëshpëruar që një pakicë e protestuesve u bënë të dhunshëm ndaj oficerëve në Londrën qendrore mbrëmjen e djeshme,” tha ajo.
“Kjo çoi në 14 oficerë të plagosur, përveç 13 të dëmtuarve në protestat e hershme të kësaj jave.
“Ne kemi bërë një numër arrestimesh dhe drejtësia do të pasojë. Unë e di shumë ata që kërkonin të dëgjohej zëri i tyre do të jenë po aq të tmerruar sa unë nga ato skena.
“Unë do t’i nxisja protestuesit të gjejnë një mënyrë tjetër për t’i bërë të ditura pikëpamjet e tyre që nuk do të thotë të dalin në rrugët e Londrës, duke rrezikuar veten, familjet dhe oficerët tuaj, ndërsa ne vazhdojmë të përballemi me [koronavirusin vdekjeprurës].”/BBC
